屯門區大廈管理座談會2026
為協助屯門區大廈管理組織同業主對大廈管理相關知識有更深入了解，屯門民政處日前「21/8」聯同屯門區議會社會福利及房屋委員會轄下工作小組，為業主立案法團、業主委員會同管理公司嘅代表舉辦咗大廈管理座談會，屯門區議員亦踴躍出席，參與交流。
座談會嘅內容非常實用，分別有競爭事務委員會講解「《競爭條例》及如何防範圍標」、機電工程署介紹「為未齊備現代化裝置的升降機進行風險評估」同律師分享「管理公司及法團交接相關案例」。大家喺問答環節積極討論互動。座談會亦提供咗一個平台畀參加者互相分享大廈管理嘅經驗同心得。
政府已於12/8就《建築物管理條例》（第344章）嘅修訂建議，展開為期一個月嘅公眾諮詢。公眾人士可於11/9或之前，以電郵或郵寄方式遞交意見，詳情可參閱民政總署相關網頁。
屯門民政處會繼續舉辦大廈管理活動同提供支援，協助大廈管理組織同業主妥善管理自己嘅物業。如果大家想知道更多大廈管理嘅資訊，同埋民政總署嘅各項大廈管理支援服務，歡迎到民政總署大廈管理網頁了解詳情（https://www.buildingmgt.gov.hk/tc/ ）。
