【堅有片】大角咀女童車罅中衝出馬路　險遭撞飛幸司機成功急煞

社交平台昨日(13日)流傳一段長約20秒的車Cam影片，影片中一輛私家車沿大角咀洋松街左轉入菩提街，往旺角街坊會方向行駛；當車輛駛至菩提街近福全街交界時，交通燈號正值綠燈，司機如常前行，豈料一名身穿淺色衣服的女童，突然由左至右衝出馬路，司機見狀隨即急煞，女童亦在車頭極近距離前停下腳步，人車相距僅一步之遙，場面驚險。煞停之後，女童邊跳邊走自行離開現場，暫時未能確認她有否受傷。司機當時亦有響號示意，卻未見女童家長現身，司機駕車離開現場，片段便結束。很多網民留言指「犀利，收得靚」、「咁都收得切」、「嚇死」、「家長去咗邊？」。