【堅有片】惡女膠袋霸港鐵座　辯稱「仲有一半位」　網民：直接坐落去啦

港鐵車廂內不時有奇人奇事發生，社交平台threads最新流傳一條影片，顯示一名戴紅色頭巾、身穿白衣白裙白波鞋的中年女子，以超級市場膠袋霸佔身旁兩邊的車廂座位。有市民忍不住出言表示不滿，卻遭對方反鬧「亂咁冤枉人」，更大條道理說「我幾時有霸住個位呀？仲有一半位呀！全世界都睇到呀！」

貼文中，被該名惡女指罵的女子亦現身留言：「Hi👋 我就係果位sis（姊妹）😂😂 頭先失禮哂啦 誤墮白卡陷阱😂😂😂」不少網民留言稱「佢話仲有一半位，咪照坐囉」、「簡單！直接坐落去」、「一嘢掃落地啦！」有網民指早前已見過惡女：「曾經地鐵見過佢 都係aeon袋」，亦有人質疑該名惡女的精神狀態。