【堅有片】阿嬸大鬧港鐵車廂　後生仔反應冷靜高EQ獲激讚

昨日社交平台Threads瘋傳一條影片，片中顯示一名中年婦人無故大鬧港鐵車廂，不斷指罵身邊乘客。期間她指向一名後生仔，並以「垃圾」等粗言辱罵對方。後生仔不但沒有表現憤怒，反而從容淡定以微笑應對婦人，更一度模仿對方的表情動作，令車廂內本來緊張的氣氛變得緩和，一度傳來陣陣笑聲。

另一條後生仔自拍的片段亦看見，後生仔與婦人在同一站下車，婦人仍然在唸唸有詞地罵人，但後生仔仍然保持微笑並舉起拇指。後生仔本人事後亦網上現身解畫指，婦人應該本身有情緒問題，無故無差別地辱罵周邊的人，他就出手阻止，並表示：「我全程平靜冇受到傷害，阿婆亦冇傷害到任何人，造成滋擾，在此致歉。」

影片流出後，不少網民都大讚後生仔的情緒十分穩定，成功化解了一場罵戰。出片的網民稱：「真係超欣賞呢個哥哥仔，EQ高到？有幾多個可以做到以柔制剛，完美反擊，完勝！仲要換返香港人嘅笑聲。」有網民亦讚後生仔表現是「世界級教材」、「轉化能力超強」、「青年人我要向你學習」。