鍾嘉欣分享在溫哥華家中分娩　大女親眼見證細佬出生

育有兩女一子的鍾嘉欣，在由王祖藍主持的節目《藍朋友‧旅朋友 溫哥華篇》透露三名子女均在溫哥華家中出生，自己更曾參與接生。鍾嘉欣表示女兒曾在旁看着弟弟出生，並說：「我自己接（生）架」、「因為喺屋企吖嘛，你咪接住佢咯」、「我個女都有睇住我個仔出世，我係咪奇奇怪怪呢？我覺得好Natural，我覺得佢睇住細佬出世，係一種experience of life，Life is life，佢係血淋淋，But it's beautiful。」

TVB綜藝旅遊節目《藍朋友·旅朋友》由王祖藍主持，王祖藍與太太李亞男在溫哥華拜訪多位好友，當中包括與王祖藍相識超過20年的鍾嘉欣。她在節目中談及家庭生活，透露自己在溫哥華家中迎接三名子女出生，當時大女更親眼見證弟弟出生的過程。鍾嘉欣亦分享，生產的痛楚令她更深切體會母親的付出。

當談到母親時，她一度哽咽落淚，說：「我想經歷呢個痛，你知唔知我經歷個痛時經歷緊啲乜？（淚水隨即湧上）嘩！感動添…我可以經歷我媽媽生我三兄弟姊妹嘅過程同感受，對我嚟講好緊要，我成日都好想同我媽媽好Close，我知道佢好辛苦，好努力，去成為好好嘅媽媽，所以我好愛錫佢......生BB嘅過程我係諗住我阿媽，所以我好有力量。」

鍾嘉欣透露，現年10歲的大女受到家庭生活影響，也曾向她表示：「我想生三個呀，媽咪，好似你一樣呀。但你可唔可以幫我湊？」

節目中，鍾嘉欣談及與醫生丈夫Jeremy的感情。她憶述，認識對方後曾立即向好友李亞男說：「我搵到我嗰個人喇，我好鍾意佢，由頭到腳都鍾意！」王祖藍憶述，鍾嘉欣婚後對人生重心的看法有所改變，並引述她說：「我唔使架喇，事業依家唔重要，我以後最緊要係家庭」。