張曦雯直認對吳卓羲有好感　爆婆婆是忠粉「幾鍾意佢」　不排除閃婚

藝人張曦雯（Kelly）最近憑無綫台慶劇《璀璨之城》人氣急升，近日她接受TVB專訪時被問對與吳卓羲的緋聞，罕有大方談及對對方有好感，大讚對方「心地好好」，又直言婆婆很關注她的感情事，又指婆婆「好似幾鍾意」吳卓羲。她又稱自己做人做事跟隨自己腳步，不排除將來閃婚。

張曦雯透露，佢同吳卓羲早前因合作拍劇經歷了長時間的相處與磨合，意外發現彼此私底下非常「啱傾」：「我哋用咗咁多個月拍咗一套劇，中間暫停過再開拍，我覺得我哋建立咗個好好嘅關係，同埋佢都係心地好好嘅人，我哋意外地都好啱傾，所以都有好感。」

談到兩人的緋聞時，她笑言雖然父母向來尊重她、從不過問，但對感情事十分關注的婆婆卻對吳卓羲非常有印象。雖然父母從沒過問，惟她笑指婆婆很關注其感情事，更透露對方是TVB的粉絲。她大爆婆孫的有趣對話：「我講笑問佢鍾意邊個，我就溝佢番嚟。」Kelly直言婆婆對卓羲的評價不錯：「佢都好似幾鍾意佢，卓羲細細個做戲，婆婆就睇住佢大。」

身為「I人」的她喜歡宅在家，望另一半成為她的好朋友，享受兩人獨處的時光。她坦言，做人做事都跟隨自己的腳步，想做就做，不排除將來閃婚。