蘇志威劉小慧分享夫妻親子相處之道：放下父母身段拒絕干預

蘇志威與劉小慧於2026年11月2日出席TVB節目《夫妻肺片2》錄影，接受訪問時分享婚姻及育兒心得。

育有兩名女兒的劉小慧認為，家庭應該成為子女的「充電站」，維持親密而穩定的聯繫。她表示，自己對女兒有信心，即使女兒獨自到泰國旅行，也不會過分擔心，並說：「我相信阿妹應該有足夠智慧會去識得保護自己。」她希望女兒多作嘗試，在實際經歷中學習獨立處理問題。

蘇志威則認同父母難免牽掛子女，但關心不應演變成限制，並引用「養兒100歲，長憂99」說法：「咁其實嗰個擔憂，係都會有少少擔心嘅，但係擔心之外，唔係干預。即係你唔好因為你嘅擔心，你干預咗佢。」

他以女兒到泰國旅遊為例，解釋提醒與干預的分別：「我覺得你去泰國好危險喎，你唔好去啦，嗱！嗰啲就叫干預，咁如果佢真係要去嘅就提醒佢。」

談及夫妻及親子溝通，蘇志威認為父母需要放低身段，不能認定自己凡事都正確。他說：「將你父母嘅身份去放低，即係唔好成日以為你做父母一定係講嘢係啱，因為佢哋已經就一個19，一個27。佢哋有佢嘅思想、有佢嘅接觸、有佢嘅諗法、有佢嘅智慧，咁好多時我哋要傾偈去睇下大家嘅睇法，可能從中喺佢哋嘅身上吸收得到一啲你自己缺少嘅嘢。」

被問到是否會因女兒而爭吵，劉小慧表示兩人甚少因此發生衝突。她說，若夫妻已分配好教導子女的範疇，即使其中一方處理得不理想，另一方也不會在子女面前即時指責，避免令子女無所適從。

她說：「即係如果你問我可以講話，完全冇。頭先我老公喺節目度分享教小朋友，如果已經決定咗我係負責呢一個範疇嘅話，就算我做得唔好，一定會喺個子女面前話：『喂！你做乜咁樣話啲子女？』咁你會令到個子女更加覺得我應該聽邊邊呢？咁樣更加混亂，可能我有做得唔好嘅地方，之後就閂埋門問我：『喂！點解頭先咁大情緒啊？』咁樣最多都係試過一兩次。」