字體
朗讀

佘詩曼為76歲母親賀壽 曬母女紅噹噹合照 連講3次「I love you」勁冧

AI視界

(以下內容由AI生成,僅供參考)

佘詩曼向來是圈中出名的孝順女,日前佘媽媽生日,阿佘為母親辦壽宴慶祝。阿佘日前曬出與母親的溫馨合照,相中可見,佘媽媽精神奕奕,氣色不錯,阿佘攬着媽媽,兩母女Sweet到爆。

佘詩曼向來是圈中出名的孝順女,日前佘媽媽生日,阿佘為母親辦壽宴慶祝。阿佘日前曬出與母親的溫馨合照,相中可見,佘媽媽精神奕奕,氣色不錯,阿佘攬着媽媽,兩母女Sweet到爆。

佘詩曼為76歲母親辦壽宴,佘媽媽精神奕奕。(佘詩曼FB)

蛋糕好靚!(佘詩曼FB)

紅噹噹,好喜慶。(佘詩曼FB)

阿佘亦相當有心,準備了兩個精緻蛋糕,其中一個蛋糕採用大紅設計,紅色部分點綴了閃亮的食用金箔碎片,上面有「76」和「壽」字,下層則有一對栩栩如生的立體金色金魚浮雕和配有一把白金配色的中式摺扇裝飾。

阿佘發文表示:「又到呢位靚女牛一喇~專登買咗件靚衫俾佢,睇吓佢今日幾sharp醒!見到你今日咁開心,我嘅開心指數到爆哂錶!都係嗰句啦:I love you、I love you、 I love you (重要嘅事要講三次)」。

阿佘又多謝各位貴賓蒞臨:「希望你哋食飽飽兼開心啦!」一班圈中人紛紛留言為佘媽媽送祝福。