張繼聰「四兩撥千斤」回應「是非題」　蔡思貝直呼「我要學習呀！」

蔡思貝與張繼聰日前出席周星馳新作《功夫女足》香港首映禮，兩人被問及陳凱琳帶同3名兒子到戲院欣賞電影後引發「淋Cream事件」的看法。張繼聰回應：「呢個問題真係要時間諗一諗，因為今日出嚟宣傳電影嘢，公司幫我個腦set program，如果唔係關電影宣傳的，就比較容易hang機。」蔡思貝對張繼聰「四兩撥千斤」回應「是非題」方法直呼：「我要學習呀！」

記者們先問蔡思貝對「淋Cream事件」的看法，蔡表示略有所聞，但不清楚事件詳情。被問到有否私下關心陳凱琳時，她說：「冇，呢排都忙宣傳，咁佢咁能幹，覺得佢係超級能幹媽媽，我相信佢絕對handle得到。」她透露，兩人間中保持聯絡，亦曾發短訊稱讚陳凱琳參與內地綜藝《乘風2026》時「唱歌、跳舞好叻」。

站在蔡思貝身旁的張繼聰一直保持「定格」狀態，沒有郁動、微笑或眨眼。當他被問到帶子女入戲院的心得時，張繼聰突然停頓思考數秒後說：「呢個問題真係要時間諗一諗，因為今日出嚟宣傳電影嘢，公司幫我個腦set program，如果唔係關電影宣傳的，就比較容易hang機。」蔡思貝隨即露出驚訝表情，並說：「我要學習呀！」

張繼聰表示，會帶女兒Kakaball入戲院觀看《功夫女足》，認為電影適合小朋友。他又提到，較早前曾推薦女兒觀看周星馳電影《長江七號》，兩人一起看到流淚；他說：「最近我推薦個睇周生嘅戲，睇《長江七號》一齊喊，好感動，睇完個女都生性咗好多，買玩具嘅要求度係無咁頻密，好有教育意義。」