方力申自爆買NFT輸到不敢同老婆講　金額比炒股蝕得更多

被外界視為娛樂圈「隱形富豪」的方力申，近日在YouTube節目《巴打圍爐》中罕有自爆投資慘痛經歷，坦言疫情期間買NFT輸掉巨額資金，損失金額比以往炒股更多，更因恐懼而不敢向家人坦白。

方力申在節目中直言：「我買NFT就輸好多錢，輸嘅錢係唔敢同屋企人講啦。我老婆日日都問我幾多，幾多位数啫，幾多啫，我最多唔同奶奶講啊。咁我都冇講過，即係仲輸得多過我以前買股票！」他透露，當時看着銀行戶口剩餘的錢，一度感到恐懼：「我係驚！你知唔知我有一段時間係驚，即係望住我戶口剩翻嘅錢，我係有啲驚嘅！」

方力申又自爆在經濟最拮据時，反而花費十幾二十萬購買名錶，純粹為了「充撐場面」。他引述網上一篇文章指出名錶往往是戴給別人看：「有啲人話你係戴俾人睇，即係唔係你鍾意嗰樣嘢，係你驚人哋覺得你唔掂，所以戴畀人睇。」他坦言自己正是抱持這種心態，但因為怕整花名錶，十次出街可能只戴一次。

經歷投資重創後，方力申改變心態，認為現階段首要是儲蓄穩健資產：「始終有家庭，有太太同女，點都會穩陣啲。」他更告誡大家：「買股票真係最唔好學我，我以前就係想一鋪發達，所以我輸就係輸呢啲。」他透露現時消費態度已轉趨審慎，以前有十蚊會使八九蚊，現在只會使六蚊。