譚旻萱黃澤林戀情曝光　毋懼傳言甜曬雙腸早餐照　配文豪氣稱「一支唔夠食兩支」

「香港網球一哥」黃澤林月初承認與康堤結束半年戀情後，日前（25日）被拍到與「籃球一姐」譚旻萱（Mandy）在球場邊親密擁抱，令新戀情曝光。黃澤林日前已轉抵首爾備戰賽事，並在社交平台分享近況，而譚旻萱亦極有默契地同步出po，貼出與朋友慶生的熱鬧合照。兩人對戀情傳聞暫時封口不提，各自投入工作與生活。

翻查譚旻萱上星期上載的社交網帖文，大曬悠閒早餐日常。其中一張相她身穿白色吊帶裙，前方更有一隻疑似男士的手舉起水果入鏡，疑由男方親自揸機，黃澤林亦火速讚好。不過全帖最搶鏡的，莫過於她的一份雙腸早餐盤，盤內除了烘多士、火腿片及煎蛋外，更放著兩條腸仔。她更配文寫上「『一支唔夠食兩支』sausages breakfast」，惹來網民熱議。

兩人打得火熱毋懼閒言閒語，但新戀情同時被質疑是「無縫接軌」。身兼餐廳老闆及排球教練的譚旻萱舊愛區顯揚（Austin），早前於IG連發三個限時動態，第一個限動寫上：「識我嘅就唔好問我 唔好再send比我 我唔係幾想睇到 人哋嘅事我唔清楚」，隨後更貼出一張沾滿鮮綠色顏料的手掌特寫，配文「不如大家教下我點洗哩啲水溶性色素」，惹來部分網民解讀為暗示被「戴綠帽」。兩人今年3月才被爆穿情侶裝同遊滑雪，如今社交網已互相取消追蹤。