譚詠麟紅館騷感觸落淚　揚言可能紅館最後一唱

譚詠麟（阿倫）9月12日於紅磡香港體育館舉行第二場《譚詠麟與您「刻骨銘心」世界巡迴演唱會—終極篇》香港站，演唱多首作品期間一度感觸落淚，更揚言：「今次非常可能係譚詠麟喺紅館、香港，最後一次同你哋唱歌，所以希望大家珍惜！」

譚詠麟於前晚（11日）的首場演唱會，更臨時邀請李克勤上台合唱。 李克勤代表在場觀眾答謝阿倫多年來唱出不少歌曲。對於演出期間曾哽咽落淚，阿倫表示：「因為我見過佢哋（台下歌迷），以前見佢孭書包，依家孭拐杖都嚟，所以你話幾感動，望到已經差啲唱唔落去！」