港青參加華強北創客大會一周年慶典 直擊深圳超快科創速度

隨住深圳APEC盛會愈嚟愈近，全城氣氛愈來愈熱鬧。2026華強北創客大會順利舉行一周年慶典，香港福田青年、藝人及自媒體工作者方日東親身到場參與，以香港青年視角，實地感受「中國電子第一街」最真實、最爆炸的創新實力。

今次周年活動展示咗過去一年超多創客成果、新技術同出海成績，最令我印象深刻，就係華強北傳遍業界嘅超強速度：「上午設計、下午打版、三日完成生產、一個星期就能出海」銷往世界各地。

呢種極速產業鏈效率，真係全世界都好少見，由一個創意、一幅草圖，幾日之內就可以變成實體產品、直銷全球。

親身現場感受，我真心好大感觸。以前聽過好多人講華強北好犀利，但今日親眼見證，先真正體會到深圳嘅創新同拚勁。呢度唔再係單純賣電子零件嘅街，而係一整片充滿年輕人、創意、機會嘅國際創客基地，氣氛開放、多元、積極，完全配合APEC共享合作、互相成就嘅精神。

身為往返深港嘅青年，我好深刻感受到深圳嘅高速發展同新質動力。深圳有超完整產業鏈、極快落地能力，香港有國際視野、海外網絡同專業資源，兩地互補簡直係最強組合，非常適合我哋香港青年落來創業、交流、發掘新機遇。

未來我都會繼續用香港青年嘅鏡頭，紀錄更多深圳真實變化，透過粵港澳同海外平台分享出去，全力讚好深圳、講好APEC盛事故事，讓更多香港同世界朋友，見證大灣區最強、最活力嘅科創實力。