【灣區堅料話你知】入場即送嘔吐袋！香港首個「嘔心食物博物館」殺到啟德

為何有一股臭味？原來是啟德開了個「嘔心食物博物館」，入場第一件事不是派導覽圖，而是派嘔吐袋，官方話明「你自己決定幾時用」。

場內雲集35個國家、80幾款爭議美食，五大展區一次過擺你面前。世界最臭罐頭——瑞典鹽醃鯡魚，開罐的時候當然要直接封場；冰島發酵鯊魚肉，陣味濃到似工業氨水，當地人都要配烈酒先吞得落；意大利活蛆芝士，歐盟已經禁售，展品只展不食。還有秘魯青蛙汁、蒙古羊眼球汁、格陵蘭醃海雀、伊朗羊雜湯、美國炸牛睾丸等，款款都在挑戰人類的味蕾極限。

最癲的是，皮蛋、臭豆腐、燕窩都上榜。我們由小食到大的食物，在外國人眼中竟然是「黑暗料理」。但展覽真正想問：所謂「嘔心」，是食物本身，還是文化偏見呢？

展覽更有「最後一口」試食bar，蟋蟀零食、酸菜汁免費挑戰，完成即可獲「味蕾勇者」稱號。展覽由9月29日開放至11月26日，地點位於啟德AIRSIDE三樓。

你會先試哪一款？還是直接舉白旗投降？