【蔡天鳳案】鄺港傑憶述搬蔡天鳳入屋後　父親表示會「盡快處理」　及後察覺她已遭肢解：我思考唔到

28歲名媛蔡天鳳疑遭殺害及碎屍案，被告鄺港傑繼續講述案發當日經過。當日他將車駛到大尾篤停車場會合父親鄺球之後，見到車廂內的蔡天鳳已毫無反應，弟弟則「發緊吽哣咁」，他形容當時自己亦都「hang機咁」一片空白，只能聽從父親指示將蔡天鳳搬入村屋內。之後父親就着兄弟二人從速離開：「佢話會盡快處理」。現在回想，他說當時應該報警或召白車：「如果嗰時理智啲，個腦無咁空白，件事可能無咁惡劣」。

鄺港傑表示，弟弟在車上襲擊蔡天鳳，大哭完之後一下子又呆若木雞，他自己亦六神無主，還想着要接侄女放學一事，故此不斷打電話給母親李瑞香。Trevor Beel問當時最應該打電話給誰？他直言是報警或叫白車：「但車後邊兩個都係屋企人，我當刻無諗過呢個方向」。

到達停車場之後，父親登車看過蔡天鳳就說「返屋企先」，他也意識到她可能已經「死咗」，當時只有依賴父親，按指示將車駛到龍尾村單位外。

接着Trevor Beel就播放龍尾村的閉路電視片段，一邊叫鄺港傑覆述當時情況。鄺港傑表示停車之後，他就跟弟弟下車，當時弟弟已稍為平靜在一旁吸煙，他就等候父親的進一步指示。

之後鄺球從借來的七人車上取來膠箱，着他：「你拎住、跟住我」，並將仍然沒有反應的蔡天鳳「瀡」入膠箱搬進屋內。

他續指鄺球進屋後思考了一會，便叫他兩兄弟盡快離開，說他會盡快處理。他返回車上見到一片凌亂，便先跟弟弟合力清理。他強調當時車上未見有如法醫所述的大量血跡，只在中間手枕後面有一小處未知新舊的紅色污跡，亦已給他清理乾淨：「因為發生咗事…我覺得要抹到好乾淨，好似無發生過任何事咁樣」。

完事後他跟鄺港智各自離開，他獨自在車上時只想到「點解會搞成咁」、「好想離開嗰個地方」，漫無目的下便駛到大埔超級城，見蔡天鳳的電話還在車上便拿去扔掉。接着他就去接回母親、侄女及弟弟一同回到加多利山，入屋後還見到正在睡覺的譚方駿。

他在7時半左右離開加多利山返家，途中接到父親電話，查問弟弟情況後叫他再到龍尾村。到埗後他即時問：「你諗住點處理？你有無報警？」，惟父親未有回應，只領他返回村屋內。

一入屋鄺港傑便見到地上鋪着帆布、膠箱內有滲血的膠袋、電鋸鋸片上有血，他當時猜測蔡天鳳已被肢解，但之後仍有按父親指示將帆布貼好：「爸爸叫我鋪好啲用膠紙黐好，咁我就黐咗…我無思考咁多，我思考唔到咁多，我見到嗰個畫面，我已經好震撼」。

他更坦白回應Trevor Beel說，要直到自己被捕，並從警察口中得知已找到蔡天鳳的殘肢，他才崩潰痛哭：「响嗰刻之前我仲呃緊自己件事無發生過，直至警察同我講响村屋搵到屍體，理智先同我講呢件事係真正發生咗」。

案件編號：HCCC 198/2025

【蔡天鳳案相關報道】