【蔡天鳳案】鄺港智指曾被譚方駿示愛 對方娶蔡天鳳後提出想跟他「三個一齊生活」
AI視界
(以下內容由AI生成,僅供參考)
28歲名媛蔡天鳳疑遭殺害及碎屍案,最後一名被告鄺港智亦出庭作供。他否認依靠蔡天鳳供養,即使他後內潛逃內地,亦有經營鐘錶賣買及地產生意,超過2,000萬元的收益都交予蔡天鳳。他並表示,蔡天鳳在他潛逃期間單方面申請離婚,之後再嫁予譚方駿全因為錢,坦言離婚後跟她仍有性關係,而同一時間一直愛慕自己的譚方駿亦不介意「三人行」,譚家亦因為想要小朋友所以並不介意他們「三個一齊」的相處方式。
28歲名媛蔡天鳳疑遭殺害及碎屍案,最後一名被告鄺港智亦出庭作供。他否認依靠蔡天鳳供養,即使他後內潛逃內地,亦有經營鐘錶賣買及地產生意,超過2,000萬元的收益都交予蔡天鳳。他並表示,蔡天鳳在他潛逃期間單方面辦離婚,之後再嫁予譚方駿全因為錢,即使離婚後仍跟他有性關係。而同一時間一直愛慕自己的譚方駿亦提出想「三人行」,譚家亦因為想要小朋友所以並不介意他們「三個一齊」的相處方式。
.webp)
鄺港智供稱他11歲時便認識譚方駿,到14歲時才認識蔡天鳳。他之後跟蔡天鳳拍拖,因為跟蔡母相處愉快便住入蔡家,甚至學海南話跟他們溝通。到2013年蔡天鳳誕下長子,二人在那年的9月結,到2014年再誕下女兒。
但他又表示:「其實Christopher(譚方駿英文名)本身係鍾意我嘅」,當年他住在黃埔花園時,譚每天都會來找他:「佢買碗米線嚟同我示愛都試過啦」。

被問到跟蔡天鳳的關係,鄺港智坦言:「it is complicated, it is hard to 解釋」(係複雜的,好難解釋)。他續指蔡天鳳自己辦好離婚手續後,在跟譚方駿一起前都有告訴他,當得知二人打算結婚:「咁我都有少少唔開心嘅,後來都祝福佢」。惟蔡天鳳之後再跟他說:「Christopher 都想我哋三個一齊生活」。
他坦言,當年蔡天鳳跟譚方駿到海口去探望他:「我哋三個一齊住喺 Langham 嗰邊,瞓同一張床」,並指在離婚後仍跟蔡有性關係。他的代表律師Andrew J. Raffell就好奇,三人之間相處不會有妒忌敵意嗎?蔡天鳳及譚方駿二人相處到嗎?

鄺港智表示:「相處到,咁多年都係咁樣…無嘅,咁我可能有吸引力啲,唔知佢(譚)點諗,不過我諗佢都冇問題,佢都好鍾意我」。他又指,用「家人」來形容譚方駿更為貼切。至於蔡天鳳嫁入譚家:「佢為咗屋企囉,咁佢嗰邊都要人照顧,佢覺得Chris份人幾好吖,我都識咗好多年都覺得OK」。
因此後來他自己在內地交上新女友Ivy,就令到情況更為複雜:「如果加埋Ivy落去就四角,我都唔想咁複雜,但我無可能捨棄啲小朋友同Abby,Christopher。我又唔想害到Ivy,Ivy又想同我結婚,我又俾人通緝緊,咁我就唔想咁害佢,而我又掛住啲細路仔,咁Abby叫我返嚟,我就返嚟」。
他表示,在潛逃之後每次付10萬元坐「大飛」往返中港兩地,他在內地繼續他的鐘錶生意,又有做分租寫字樓生意,並任土地中介租用農地後再轉租。他續指賣錶賺到的2,000萬,再加上其他生意每月26至30萬人民幣的收入,大多都會交給蔡天鳳。
鄺港智又表示,跟蔡天鳳是「老夫老妻」:「我想形容一下Abby,佢平時啲性格係比較剛烈少少、火爆少少,我又比較柔和啲嘅,即係佢好容易嬲嘅,零到一百唔會有中間,就好似Angry Bird咁」,但他又說:「同埋我都習慣咗,佢唔鬧我,我反而唔慣,我唔係話M底嗰隻,但就係習慣咗」。
現年已經82歲的法官祈彥輝就坦言不明白「M底」及「Angry Bird」的意思,Andrew J. Raffell就解釋「M底」意思是「被虐傾向」,而主控Charlotte Draycott亦立即上網找來「Angry Bird」希望能夠協助。
被問到加多利山單位,鄺港智就表示「根本唔可能」如控方所指,鄺家是因為這個單位對蔡天鳳動手。他解釋自己都支持買走加多利山搬到屯門,以方便子女上學,但又未至於要急於放售。
他承認父親鄺球跟蔡天鳳的關係,因女兒發燒當晚的衝突轉差,蔡亦不喜歡鄺球跟孫兒見面,故父親在簽授權書的事件上有表現不悅。但他自己跟蔡天鳳的關係,並未因此受到影響。
案件編號:HCCC 198/2025
