許紹雄離世一年　愛女許惠菁感性發文悼念：「從來冇試過咁耐冇得見你」

資深藝人「Benz哥」許紹雄轉眼間已離世一年，愛女許惠菁仍然非常想念父親。她昨日（28日）在社交平台發長文，表達對父親的濃濃思念：「爸爸，幾日前我先同媽咪講，由出世到依家，我從來冇試過咁耐冇得見你。媽咪答我依然當你去咗拍戲，我仲講笑話究竟有邊套戲咁犀利，片酬咁高，值得你離開我哋咁耐。」

許惠菁在文中細訴對父親的思念，並說自己有努力生活：「啱啱去韓國做嘢，我哋見到件衫好襯你當時都有衝動想買咗佢送俾你，可惜現實就係咁殘酷。糊塗中嘅下一秒個人就清醒返，原來有咁耐冇見過你啦，我對未來依然好迷惘，但係我會一路記住你教過嘅所有事，繼續努力向前行，love you endlessly ❤️」。

2025年10月28日一直視女兒為掌上明珠的爸爸許紹雄因病離世，許惠菁坦言，那段時間生活節奏被打亂，被迫在極短時間內「很不舒服地成長」。今年她收拾心情，決定把父親「令人發笑、帶來正能量」的精神延續下去。

許惠菁過去幾年在新加坡經營烘焙和餐飲生意，但這一年她將重心全面回流香港，並於今年初正式簽約加盟林盛斌（Bob）旗下的棋人娛樂，進軍司儀和主持界。