鄭希怡抱B照惹二胎疑雲　急澄清生母是外傭　網民意見兩極

鄭希怡（Yumiko）日前上載手抱初生嬰兒合照，寫下「屋企多咗一個新成員」，引發網民誤以為她再度懷孕。她隨即澄清，貼出與女兒、工人姐姐Maymay及BB的四人合照，解釋：「呢個係我屋企工人姐姐嘅BB。」

Yumiko透露Maymay在梁家工作長達11年，女兒出世時已在身邊照顧，一家人視她為重要一分子。女兒更幫手照顧BB，Yumiko亦祝福Maymay，又幽默寫道「請快d放完產假」，盡顯主僕情深。

這則澄清帖文一出，瞬間在留言區引發兩極的熱烈討論。一派網民送上祝福，認為Yumiko與工人姐姐相處11年情同家人，被他們深厚的感情所打動，留言大讚：「僱主ok，姐姐ok，網民唔ok」、「姐姐照顧咗屋企11年，遇到好僱主體諒，係一件彼此感恩嘅事」、「人哋請工人點選擇係人哋嘅事」。

另一派則質疑外傭合約期內懷孕是否恰當，批評她公開此事助長風氣：「你OK還OK，但係唔應該助長呢個風氣！其實自己ok就可以了，唔使擺上網，間接支持呢件事！」、「好多人小朋友好細，如果姐姐個個都走嚟香港生仔，超級影響正常工作」、「真係無奇不有，全家都幫個工人湊BB」、「個姐姐懷胎十月、生埋，仲係你屋企放產假？」甚至有人以「BB似唔似你老公」等帶人身攻擊的言論嘲諷。