【堅有片】天后火鍋店疑天降蛆蟲　網民：唔通天花板藏屍？

有網民日前偕友人到天后一間火鍋店打邊爐，未料天花竟有懷疑是蛆蟲物體墮下，更跌至火鍋湯中和枱上，當場被嚇驚，連忙與友人結帳離開。該名網民又透露「報了食環，希望餐廳可以徹底清潔一下，食到中毒就唔好」。其他網民看後亦感到震驚，反問是否「天花板藏屍？」。

發帖文的網民表示：「諗咗晚，都係寫出嚟。昨晚同兩個老友打邊爐，其中一位揀咗天后呢間火鍋，食物可以接受，但最驚嚇係食到尾聲，忽然有嘢跌落個鍋。」他指起初不以為然，「朋友仲以為係滴水，諗住繼續，我比較小心，向上望下，赫然見到吊燈上面電掣位，有幾條小蟲(我唔肯定係咪蛆蟲)爬出嚟，之後一條跌落枱，另外兩條噗通噗通咁跌落湯底。」

樓主見狀即刻走人，並指「因為朋友一早講咗請客，就由佢叫伙記買單，一男一女都好似冇乜反應，朋友問到，亦冇乜想補償嘅講法」。樓主稱，「只係想盡快走人，最後朋友再問，伙記話送一set四支啤酒，我哋應咗一句就畀錢走人。」

有網民在該帖文留言說：「唔通天花板藏屍？！」、「要報食環，分分鐘係從死老鼠吽出嚟。」、「請你真係要報1823…真」、「搞唔掂，仲衰過老鼠」、「嗰個位有蛆蟲，即係上面天花有屍體，死老鼠
maybe。」、「好恐怖！直情成間店唔要得！」。