陳卓賢啟德體藝館演唱會出現大量空位　山頂觀眾得以移前就座

MIRROR成員陳卓賢於啟德體藝館舉行《IAN CHAN :GROWTH: LIVE 2026》演唱會，7月30日完成第七場演出，當晚主題為「Miracle Night」。演出期間，觀眾席出現大批空位，現場其後安排較後位置觀眾移前就座。

有網民在社交平台發文稱，當晚座位未坐滿，陳卓賢在台上亦提到空位情況，表示：「因為竟然我哋有個客，買咗我哋啲飛，然後漏咗今日，竟然冇交到畀觀眾。咩都有發生嘅，我哋畀啲掌聲嗰個客人，我尋日仲特登問公司拎幾張飛，佢哋都話冇，早知畀我啦，唔緊要，我哋都要繼續唱嘅，係咪先？」

其後，他要求坐在較高位置的觀眾逐步移前，並說：「你哋坐咁高不如坐落嚟啊！我會等你哋，我唔會唱住㗎依家。」現場觀眾隨後慢慢向前方座位移動。

等待觀眾重新入座期間，陳卓賢繼續在台上與觀眾交談，並說：「尋日我覺得係so far反應最好嘅一晚，但係今晚好似都好好。我哋多謝啟德體育園保安，唔好意思，唔好意思！等大家慢慢走近咗先，咁就奇蹟日啦，今日會有好多奇蹟發生，依家啱啱就第一件事，今日會陸續有嚟，大家會feel到呢個miracle係咩嘅一回事，我哋再次畀啲掌聲我哋嘅啟德體育園，好！大家都差唔多就坐好啦，請坐低！」

事件其後在網上引起討論，不少留言質疑「忘記派飛」的說法，亦有人就贊助門票安排及票務處理提出猜測。