【堅有片】宏福苑災民重溫與愛女踩單車快樂時光　煦翹爸爸：點點回憶彷如昨日

宏福苑法團管理人「合安管理有限公司」周日(19日）召開法團特別業主大會，於大埔、啟德、香港仔與天水圍以廣播形式同步進行。在大火中失去五歲女兒煦翹及菲傭Maryan的宏泰閣業主鄭先生鄭太，當日亦有到天暉社區會堂出席業主大會。事後鄭先生在社交平台Threads撰文，提到今次「好可能係最後一次以業主身份出席宏福苑業主大會」；當他經過一條單車徑時，與愛女煦翹的回憶即時湧上心頭，字裏行間流露百般思念。

鄭先生表示，於疫情期間，宏福苑附近的一條單車徑是他與煦翹常常會去的地方，由慢慢學行、看海、為海鷗，長大後更開始踏單車，「呢部單車你恨左好耐，每次經過迪卡龍都要入去踩幾下，最後爺爺買左比你，你好開心，當晚就要落樓下踩一陣」。他又憶起其中一個週末，父女兩人第一次「踩出吐露港」，形容所有事幸福來得好自然，但如今一切已成過去，「點點回憶，彷如昨日」。

鄭先生在帖文中表示，「呢次係第一次，亦係最後一次，爸爸後悔週末無早啲起身帶你踩多幾次單車，冇同你製造多啲屬於我地兩父女既回憶」。他坦言單車帶不走，但回憶言永遠：「希望你係天堂會記得呢一段同爸爸踩單車既回憶，而爸爸就算7，80歲咩都吾(唔)記得個陣，都會記住同你既呢段旅程，爸爸就係如此愛著你。」