方力申補拍唯美婚照　太太葉萱極速修身騷完美身段　網民大讚甜到漏

46歲的方力申（Alex）與葉萱（Maple）去年情人節在美國正式註冊結婚，年底女兒方愛嘉（Isla）便出生。因當時婚事倉促，兩人一切從簡，連婚禮都無搞。日前Alex於社交平台貼出多張唯美的婚紗照，相中Maple極速修身成功fit到漏，獲網民大讚靚媽，二人又攬實Isla sweet到漏。Alex並留言透露將要回香港補辦婚禮。

Alex在帖文稱：「上年太太喺毫無準備下就嫁咗俾我。仲無化妝無整頭無揀過婚紗咁就影埋結婚相添。唔得嘅，一定要喺香港補返數。」從帖文照片可見，婚禮場地佈置以白、粉色系鮮花為主，搭建出精緻花藝拱門，拱門上掛著寫有「Maple & Alex」的飾牌。

帖文一出，隨即獲大批網民讚好，有留言稱「太太化吾化妝都已經好靚女，囡囡又咁可愛靚女，你是真正的人生勝利組」、「新娘好靚BB好得意」、「好漂亮好幸福一家人！新娘子仙氣滿滿靚爆鏡」、「恭喜兩位，生多幾個」。

方力申早前特意在淺水灣大排筵席，為女兒舉辦盛大百日宴，可見對愛女疼愛有加。