夏蘭特未必隨隊訪港　羅淑佩為球迷做定情緒管理　有球迷：人生好似失去哂目標

香港足球盛會將於8月1日及5日在啟德主場館舉行，分別上演曼城對國際米蘭，以及車路士對祖雲達斯，不少買票入場的球迷關注曼城主帥夏蘭特會否上陣。文化體育及旅遊局局長羅淑佩今早（28日）接受電台訪問時表示，由於今年適逢世界盃，不少球員需遵守國際足協關於賽後休息的規定，更籲球迷們要「體諒球星」。

羅淑佩指兩場賽事門票目前約售出三分之二，最高票價仍有少量餘票，整體反應理想。她提到，部分球員因剛完成世界盃，需要按相關規定休養，未必可以隨隊來港，夏蘭特亦屬同一情況。羅淑佩強調，引入的球會本身已具龐大球迷基礎，是否有個別球星到場，並不會左右賽事吸引力。她更指：「你見夏蘭特（世界盃時）都踢到咁盡嘅時候，佢要休息其實可能都係應該嘅。因為如果唔係呢，8月中英超又開鑼啦，咁我哋要體諒球星係咁樣。」

有網民對夏蘭特來港無望大表失望：「原本以為『8月1號夏蘭特唔嚟』只係玩笑，得知消息後即時感到『人生好似失去哂目標』。」網民亦提到過去曾經被美斯「玩咗一鑊」，事後才慢慢放低，亦以為夏蘭特「老老實實，無機心」，結果仍然失望而回。