青衣邨宜逸樓突發停電 — 葵青民政處、區議員及關愛隊全力支援受影響住戶

8月27日晚，葵青區青衣邨宜逸樓電掣箱發生故障，導致A翼2至35樓及C翼部分單位突發暫停電力供應，約600戶居民受影響。

葵青民政專員梁乘龍、葵青區議員潘志成、盧婉婷同彭熠銘，以及關愛隊即時到場了解、向居民發放消息及提供協助。葵青民政處亦開放青衣邨社區會堂畀居民休息，並協調康文署繼續開放毗鄰嘅楓樹窩體育館畀居民沖涼及休息至午夜。

經工程承辦商及中電搶修後，大部分受影響單位喺凌晨12時25分恢復正常供電，而A翼35樓嘅11個受影響單位最終亦喺凌晨1時40分恢復供電。

葵青民政處感謝各單位嘅迅速配合及有效支援，令對居民嘅影響減到最低，亦多謝居民嘅體諒。今次事件體現咗社區關愛互助嘅精神。