蔡楓華上翁靜晶節目揭曾遭黑社會圍毆「插眼」　罕脫「黑超」展示眼部傷勢

翁靜晶的網上頻道《危險人物2.0》昨晚（7日）邀請到蔡楓華擔任嘉賓，二人回憶當年合作點滴之餘，蔡楓華亦透露當年事業陷入低潮，並非因說了「一剎那光輝唔代表永恆」所致，真正原因是唱片公司沒履行出碟配合5場演唱會的承諾，令其1988年紅館演唱會泡湯。他更揭露自己在2004年曾遭30多個勢力人士圍毆，甚至用鐵蓮花「插眼」，而為展示眼部傷勢他還罕見地脫下「黑超」。

蔡楓華提到，當時張耀榮在電視公開承諾會再為他開十場、八場演唱會，結果就得罪了勢力人士。他稱：「香港有勢力人士就嚟搵我，你明白未？啲幫會人士嚟搵我，佢唔想呢件事發生，佢要保障佢轄下嘅人。」翁靜晶則指：「即係其實有一班唱歌嘅歌星，就係黑社會所控制，如果有十場八場演唱會，就寧願佢哋去好過你去，係咪咁？」蔡楓華不予置評，只稱對方「講到咁明顯」反問她「你驚唔驚呀？」

過去一直戴太陽眼鏡示人的他，在節目中更罕有地脫下「黑超」展示其眼部傷勢，他指一指自己的右眼說是2004年被打，但稱沒有盲不過也要做手術，他直言：「大佬，用鐵蓮花插隻右眼，你知唔知？如果打低少少我呢度爆咗！」當被追問遭誰人毆打時，蔡楓華就表示：「黑社會囉，又係為咗紅館，因為我知小鳳姐唱唔晒，諗住搵張生（張耀榮），點知又俾人圍。」翁靜晶指多年前的香港娛樂圈確實黑暗，蔡楓華再透露自己曾在美國被四把槍指着頭部：「嗰次就唔係為咗錢，嗰次係有個女藝人唔知做乜鬼嘢，搞是搞非，煽動啲人、又蝕錢，就上嚟指住我話我有份，我話我冇份喎大佬！我嚟表演咋去大西洋城，就係咁囉，唔想講呢啲嘢喇。」

礙於「四大癲王」的稱號，蔡楓華甚至聲稱被打後報警求助都不獲受理，他指當年遭30多人圍毆：「30幾人等我！喺深圳出面等我，喺深圳打我！」他指因為這次事件令他有創傷性青光眼，導致右眼視力永久受損，因此長期戴太陽眼鏡。翁靜晶問他有否立即去醫院，他稱自己先回港再去屯門醫院縫針：「我返屋企再去澳門，想搵何鴻燊先生，我諗住問佢邊班人打我，我嗰陣未知，但係突然間我隻眼黑晒、矇，我就即刻坐船返香港。啲人就話即刻打999 ，我就即刻去咗醫院急救。」蔡楓華坦言他述說自己遭遇，都只換來一句「你黐線㗎嘛！你講嘢我點會信？」他深思熟慮後曾去信保安局，哭着談自己的經歷，案件才交到警務處，惟後來檔案也是不了了之，「我要求佢重新開過，我話畀你聽我唔理嗰個係乜乜大哥，嗰班人有幾多勢力，我都要攞返個公道！」翁靜晶聞言亦為蔡楓華抱不平，甚至因心痛對方遭遇而落淚，承諾替他翻案。