與任達華餐廳偶遇　網友發文指「明星大晒？離Ｘ晒譜」

71歲的影帝任達華出名親民有禮，但昨日(15日)竟有網友在社交媒體標籤「明星大晒?」發文，爆粗指「任達華你有冇搞X錯？離X晒譜」。究竟誰是誰非?請大家定奪。

網民macheuksang在Threads發文，以《任達華你有冇搞X錯 離X晒譜》為題，指日前在停車場巧遇任達華（華哥），華哥友善地「俾like」回應後，再於𨋢口重逢，網友表示近日重睇任達華主演的電影《黑社會》，並要求合照，華哥答應並幽默引用戲中對白回應：「影相好呀，唔使戴頭盔，釣魚就要帶。」(黑社會電影劇情，戲中梁家輝被任達華用石頭擊頭致死)

及後，網友再度在同一間餐廳遇到任達華，「我哋仲坐正咗喺華哥房門口，佢經過嘅時候仲好調皮咁食咗我一嚿魚餅！本身都想鬧佢，不過算啦。」不料網友埋單時，驚悉原來華哥已代為埋單。網友發帖指：「任達華你有冇搞Ｘ錯？立亂埋人哋張單，搞到我以為你食咗我嚿魚餅，原來係我食咗你成餐飯。」