【堅有片】老婦天后過馬路險象環生　南亞外賣員幫忙截車獲讚

網上近日流傳一條車Cam影片，顯示今年7月25日中午12時許，車輛沿天后英皇道往銅鑼灣方向行駛，駛近永興街時，馬路中間突然有一名老婦推住四輪助行車，反往炮台山方向步行，表現遲緩，路上車輛駛過險象環生；此時附近一名南亞裔男子踏單車經過，疑似正在送外賣，立即駛近老婦，而且同時揮手示意其他車輛暫時停車，南亞裔男子亦向老婦揮手，老婦最終安全離開路面。

該片段得到大量網民力讚南亞男，並指「好人好事：多謝南亞車手攔住」。有網民更留言，擔心老婦是否患病：「阿婆可能有認知問題」、「阿婆可能有腦退化，認知問題，會唔知自己做緊咩」、「阿婆係亂過馬路，但南亞人出於好心」、「超暖心，南亞哥仔做咗好事」。